Тодор Симовски е роден на 14 февруари 1924 година во селото Извор, Егејска Македонија. Активно учествувал во партизанското движење и националноослободителната борба на македонскиот народ, а од 1941 година бил организиран во антифашистичката борба. Во текот на Втората светска војна извршувал значајни функции во младинските и партизанските организации, меѓу кои и како секретар на ОКНЕ и организационен секретар на окружниот одбор на ЕПОН и функционер на НОФ. По завршувањето на војната пребегал во СР Македонија, каде што завршил студии по историја на Филозофскиот факултет во Скопје.
Симовски бил активен во областа на новинарството, картографијата и научната публицистика. Неговите истражувања и трудови биле фокусирани на историјата на македонскиот народ, особено на македонците од Егејска Македонија. Починал на 4 јануари 1998 година во Скопје.
