Државниот завод за статистика (ДЗС) објави дека трошоците за живот во јануари оваа година се зголемени за 4,9% во однос на истиот месец лани, додека цените на мало пораснале за 5,2%. Во споредба со декември, трошоците за живот пораснале за 0,2%, а цените на мало се намалиле за 0,4%. Зголемување на цените е забележано кај речиси сите производи и услуги, при што најголем раст во однос на декември е забележан кај мебелот, покуќнината и одржувањето на домаќинствата (1,5%) и разновидните стоки и услуги (1,6%). Намалување на трошоците е регистрирано кај транспортот (0,9%), комуникациите (0,4%) и облеката и обувките (0,2%).
Во споредба со јануари минатата година, најзначителен пораст на цените има кај безалкохолните пијалаци, минералната вода и соковите (16,2%), маслото (11,8%), зеленчукот (10%) и овошјето (3%). Основните прехранбени производи, како млекото, сирењето и јајцата, се поскапени за 6,9%, додека месото бележи раст од 4,6%. Цените на облеката и обувките пораснале за 3,1% и 3,5%, соодветно. ДЗС исто така забележува зголемување на цените во повеќе категории, вклучувајќи домување, здравство, транспорт, комуникации, образование, хотели, ресторани, рекреација и култура.
Целосниот извештај на ДЗС можете да го прочитате тука
