Во Манифестот на Третиот вонреден конгрес на КПГ упатен до работниот народ на Грција, потпишан од Претседателството на 3 декември 1924 година во Атина се вели:
Домашните капиталисти, за да ги остварат своите планови, не се колебаа и не се колебаат во воените и економските операции да тргуваат со крвта на работниот народ со милитаристите на Европа. Тоа го видовме во Мала Азија, на Балканот, во Украина.
Не` држат врзани, за раце и за нозе и не` предаваат на сите видови експлоатација на европската буржоазија, обезбедувајќи си така и дел за себе. Таа има намера на Балканот и во Азија заедно со европските милитаристи и џелати на народот да води освојувачки војни. Постојано го зголемува своето вооружување. Три четвртини од буџетот ги става на располагање за воени бродови, за типови и за офицери. Три четвртини од „заемот за бегалците“ сигурно ќе искористи за истата цел, додека бегалците ќе умираат. Подготвува нови војни на Балканот. Ги потиснува националните малцинства во Македонија и Тракија. Заедно со бугарската и српската буржоазија, сее меѓу нив национална омраза и меѓусебно разјадување. Со „националните“ пропаганди и со интриги се борат да ја заграбат цела Македонија. Бугарија на крволокот Цанков бара да слезе во Кавала, а Србија на реакционерот Пашиќ и воено-дворската клика бара да слезе во Солун. Новата империјалистичка војна на Балканот се приближува со брзи чекори. Грчката буржоазија, откако ги обездоми, насобра како сардини 700 илјади несреќни бегалци, не за да се погрижи за нивното сместување, туку да го колонизира македонското население и овие бегалци да ги има како готово топовско месо за новата војна.
Како бугарската и српската, така и грчката буржоазија угнетува еден дел од македонскиот и тракискиот народ, држејќи ја со огин и меч македонската и тракиската земја под своја власт. Без потиснување на македонскиот и тракискиот народ, без потиснување на туѓите нации и не е можно и над нас да го засили социјалниот јарем. Домашната буржоазија е национален угнетувач и потиснувач на македонскиот и тракискиот народ и истовремено и социјален угнетувач на работничката класа и сиромашните селански и бегалски маси. Ако не го уништиме националниот јарем на домашната буржоазија кој тежи врз Македонија и Тракија, не можеме да го скршиме ни социјалниот јарем на истата таа буржоазија што тежи врз нас. Не можеме на друг начин да се спасиме од завојувачките и империјалистичките војни што паѓаат на нашиот грб, се додека трае сегашната положба на поделеност и угнетување на Македонија и Тракија од балканските и турската буржоазија.
Ете зошто се бориме против вооружување, против војните што ги подготвува капитализмот, против националното потиснување и насилно експлоатирање. Ете зошто се бориме за обединување на трите дела на Македонија и Тракија и за нивно единствено и независно државно суштествување. Ете зошто бараме националните совети на бегалците и селаните во независна и слободна Македонија сами да ја разделат земјата меѓу бегалците согласно со интересите на сиромашното земјоделско-бегалско население во земјата. Само така многунапатените бегалци во Македонија ќе се спасат
Извор: https://www.mn.mk/komentari/8826
На фотографијата е од македонскиот револуционер Трифун Хаџијанев кој учествувал како делегат на воденската организацијана Третиот вонреден конгрес на Социјалистичката партија на Грција каде што е донасена оваа декларација. Извор за фотографијата е ФБ страната „Егејскиот дел на Македонија“
