Рафе Димов Андоновски, родум од Лазарополе, основното образование го завршил во родното село, по што се занимавал со земјоделство и сточарство. Подоцна заминал на печалба во Скопје каде работел како општ работник. Во ноември 1944 година се приклучил на 16-та македонска ударна бригада и бил распореден во Втората чета на Вториот баталјон. Учествувал во борбите низ западна Македонија, особено во акции против балистичките банди, и успешно ја завршил воената обука.
По завршената обука, Рафе бил испратен на Сремскиот фронт каде храбро се борел против германските нацистички сили. Во една од борбите, кај селото Марино во Хрватска, загинал на 16 април 1945 година. Неговото тело било закопано на самото место каде што ја загубил својата младост и живот, борејќи се за слободата на својот народ.
