Дефинирањето на поимот Kултура е толку проблематично што се претпоставува дека Рејмонд Вилијамс, еден од најпознатите социолози на културата, има изјавено дека: „Не знам колку пати сум посакал никогаш да не сум го слушнел проклетиот збор. Културата претставува еден од најважните концепти во социологијата бидејќи игра клучна улога во нашите општествени животи, Културата е важна за обликување на општествените односи, и во голема мера одредување на тоа како го разбираме светот и нашето место во него и во обликувањето на нашите секојдневни постапки и искуства во општеството. Културата е составена и од нематеријални и од материјални нешта.
Нематеријална Култура
Накратко, социолозите ги дефинираат нематеријалните аспекти на културата како вредности и верувања, јазик, комуникација и практики кои се заеднички за една група луѓе. Проширувајќи ги овие категории, културата се состои од нашето знаење, здрав разум, претпоставки и очекувања. Исто така, правилата, нормите, законите и моралот се оние што управуваат со општеството; зборовите што ги користиме како и како ги зборуваме и пишуваме (т.н „дискурс“); и симболите што ги користиме за да изразиме значење, идеи и концепти (како сообраќајни знаци и емотикони во социјалните мрежи, на пример).
Културата е и она што го правиме и како се однесуваме и изведуваме (на пример, театар и танц). Информира и е инкапсулирана во тоа како одиме, како седиме, како ги носиме нашите тела и како комуницираме со другите; како се однесуваме во зависност од местото, времето и „публиката“ (да се изразиме со вокабуларот на Гофман); и како ги изразуваме расните идентитети, пол и сексуалност итн. Културата ги вклучува и колективните практики во кои учествуваме, како што се религиозните церемонии, славењето на световните празници и спортските настани.
Материјална Култура
Материјалната култура е составена од работите што луѓето ги создаваат и користат. Овој аспект на културата вклучува широк спектар на работи, од згради, пенкала и облека, до филм, музика, литература и уметност, меѓу другото.
Материјалната култура произлегува од и е обликувана од нематеријалните аспекти на културата. Со други зборови, она што го цениме, веруваме и знаеме (и што правиме заедно во секојдневниот живот) влијае на работите што ги правиме. Но, тоа не е еднонасочна врска меѓу материјалната и нематеријалната култура. Материјалната култура може да влијае и на нематеријалните аспекти на културата. На пример, моќен документарен филм (аспект на материјалната култура) може да ги промени ставовите и верувањата на луѓето (т.е. нематеријалната култура).
Ова е причината зошто Западот настојува да ги воспостави своите „културни вредности“ како најдобри и начинот на кој го прави истото, односно преку музиката, преку филмот, телевизијата, книгите, уметноста да влијае врз вредностите, верувањата и очекувањата на рецепиентите на истите.
