ЗХГ: Независните имаат право на рамноправен политички натпревар

Соопштението на Зелен Хуман Град го пренесуваме во целост

Во отсуство на зададени услови и критериуми за независни листи да може да се кандидираат на наредните локални избори, можноста мора да биде отворена, а не затворена. За жал, тоа зависи од толкувањето на законот во Собранието и од страна на ДИК кој на крај може да рече дека поинаку го толкува сето ова и едноставно нема да ги прифати нашите кандидатури за локалните избори.

Затоа е круцијално да има консензус како ќе се толкува одлуката на Уставниот суд ако не се донесат измени. Евентуалното непостапување на Министерството за правда и на Собранието би значело дополнителна повреда на темелните вредности на македонскиот уставен поредок — правото да се бира и да се биде избран, правото секој граѓанин да може да се кандидира за јавна функција, правото на слобода на здружување заради остварување и заштита на политичките, економските, социјалните, културните и други права и уверувања на граѓани кои одбиваат да бидат вклучени во партија.

Инсистираме претставници на независните кандидати за градоначалници и советници од самиот почеток да бидат вклучени во Работната група која ќе ги формулира одредбите за измена и дополнување на Изборниот законик.

Само директно засегнатите може да се борат да се донесат следните законски измени со кои ќе се заштити Уставот и ќе се гарантираат политичкиот плурализам и рамноправноста во политичкиот натпревар:

Да се постави услов од најмногу 50 собрани потписи за независни листи на кандидат/и;

Да се дозволи собирање потписи на терен и надвор од канцелариите на ДИК, како во европските земји;

Да се зголеми периодот на собирање потписи на 30 дена;

Да се дозволи името на советничките независни листи да биде во целост наведено на избирачкото ливче, а не како досега само името на носителот;

Да се обезбеди еднаквост меѓу сите политички чинители во утврдувањето на редоследот на единствената листа на кандидат/и за избор на претседател, пратеници, членови на совет, односно градоначалник, со ждрепка;