Синдикатот на културата најави протест што ќе се одржи на 16 април во 12 часот пред Министерството за култура, поради, како што наведуваат, непочитување на колективниот договор и игнорирање на правата на вработените во културниот сектор. Според синдикалните претставници, состојбата е сериозна, при што се укажува дека правата на работниците се нарушуваат, а нивното достоинство е доведено во прашање.
Од Синдикатот порачаа дека повеќе нема простор за одложувања и оправдувања, нагласувајќи дека молкот нема да продолжи. Тие повикаа на масовна поддршка од културните работници и граѓаните, истакнувајќи дека протестот е насочен кон барање правда, почит и достоинство за сите вработени во оваа дејност.
